ಭವ್ಯರಾಗಿ ಬಾಳುವರಾಗಿ
ಕರ್ತೃ: ಡಾ. ಪ್ರಭಾಕರ್ ಬೆಳವಾಡಿ
ದಿವ್ಯ ಮಂತ್ರವ ಕಲಿಸುವರಾಗಿ
ಭವ್ಯರಾಗಿ ಬಾಳುವರಾಗಿ I I ಪಲ್ಲವಿ I I
ಯೋಗ್ಯರಾಗಿ ಭಾಗ್ಯವಂತರಾಗಿ
ವಿಧ್ಯಾವಿನಯ ಸಂಪನ್ನರಾಗಿ
ಗುರುಹಿರಿಯರ ನಮಿಪವರಾಗಿ
ನೀತಿನಿಯಮಗಳ ಪಾಲಿಪರಾಗಿ I 1 I
ದಿವ್ಯ ಮಂತ್ರವ ಕಲಿಸುವರಾಗಿ
ಭವ್ಯರಾಗಿ ಬಾಳುವರಾಗಿ
ನಿತ್ಯವೂ ಸತ್ಯವ ನುಡಿಯುವರಾಗಿ
ದೇಶಸೇವೆಯ ಮಾಡುವರಾಗಿ
ದೇಶದ ಧ್ವಜಕೆ ಬಾಗುವರಾಗಿ
ಬಂಧು ಮಿತ್ರರ ಕೂಡುವರಾಗಿ I 2 I
ದಿವ್ಯ ಮಂತ್ರವ ಕಲಿಸುವರಾಗಿ
ಭವ್ಯರಾಗಿ ಬಾಳುವರಾಗಿ
ಕಾಮ ಕ್ರೋಧಗಳ ಬಿಟ್ಟವರಾಗಿ
ಭಕ್ತಿ ಮಾರ್ಗದಿ ನಡೆಯುವರಾಗಿ
ಸ್ಪೂರ್ತಿವಂತರಾಗಿ ಕೀರ್ತಿವಂತರಾಗಿ
ಗುರುಕುಲಕೆ ಹೆಸರ ತರಿಸುವರಾಗಿ I 3 I
ದಿವ್ಯ ಮಂತ್ರವ ಕಲಿಸುವರಾಗಿ
ಭವ್ಯರಾಗಿ ಬಾಳುವರಾಗಿ
ಹಸಿದು ಬಂದವರ ಉಸಿರಾಗಿ
ಅನ್ನದಾನವ ಮಾಡುವರಾಗಿ
ಹಿಂಸೆಯ ಹಿಸುಕಿ ಬಡಿದವರಾಗಿ
ಅಹಿಂಸೆ ಮಾರ್ಗವ ಹಿಡಿದವರಾಗಿ I 4 I
ದಿವ್ಯ ಮಂತ್ರವ ಕಲಿಸುವರಾಗಿ
ಭವ್ಯರಾಗಿ ಬಾಳುವರಾಗಿ
ಮಾಡುವ ಕೆಲಸಕೆ ನಿಷ್ಠರಾಗಿ
ಮಾತಲಿ ಎಂದೂ ಸ್ಪಷ್ಠರಾಗಿ
ದುಃಖ ದುಮ್ಮಾನಗಳ ಮೆಟ್ಟುವರಾಗಿ
ಕಷ್ಟ ಕಾರ್ಪಣ್ಯಗಳ ಸಹಿಸುವರಾಗಿ I 5 I
ದಿವ್ಯ ಮಂತ್ರವ ಕಲಿಸುವರಾಗಿ
ಭವ್ಯರಾಗಿ ಬಾಳುವರಾಗಿ
ಏನೇ ಎತ್ತರದಿ ಕುಳಿತವರಾಗಿ
ಹೆಂಡತಿ ಮಕ್ಕಳ ಸಲಹುವರಾಗಿ
ತಂದೆ ತಾಯಿಗಳ ಸಾಕುವರಾಗಿ
ಅಭಿಮಾನಿಗಳ ಅಭಿವಂದನರಾಗಿ I 6 I
ದಿವ್ಯ ಮಂತ್ರವ ಕಲಿಸುವರಾಗಿ
ಭವ್ಯರಾಗಿ ಬಾಳುವರಾಗಿ
ಪ್ರಾಣಿ ಪಕ್ಷಿಗಳಿಗೆ ಬಸಿರಾಗಿ
ಗಿಡ ಮರ ಬಳ್ಳಿಗೆ ಹಸಿರಾಗಿ
ವೇದಶಾಸ್ತ್ರಗಳ ಅರಿತವರಾಗಿ
ಜ್ಞಾನಭಂಡಾರದಿ ನುರಿತವರಾಗಿ I 7 I
ದಿವ್ಯ ಮಂತ್ರವ ಕಲಿಸುವರಾಗಿ
ಭವ್ಯರಾಗಿ ಬಾಳುವರಾಗಿ
ಸಜ್ಜನ ಸಂಘವ ಮಾಡಿಪರಾಗಿ
ಸರಳತೆಯ ಸಂವರ್ಧನರಾಗಿ
ದುರಳತೆಯ ಸಂಹಾರಕರಾಗಿ
ಶಿಸ್ತು ಸಂಯಮ ಸಾಕಾರರಾಗಿ I 8 I
ದಿವ್ಯ ಮಂತ್ರವ ಕಲಿಸುವರಾಗಿ
ಭವ್ಯರಾಗಿ ಬಾಳುವರಾಗಿ
ದೇವರ ದಯೆವುಳ್ಳವರಾಗಿ
ಭಕ್ತಿಯ ಶಕ್ತಿಯ ಕೋರುವರಾಗಿ
ಮನದ ಮದವ ತೊರೆಯುವರಾಗಿ
ತನುವಲಿ ಮುದವ ತೋರುವರಾಗಿ I 9 I
ದಿವ್ಯ ಮಂತ್ರವ ಕಲಿಸುವರಾಗಿ
ಭವ್ಯರಾಗಿ ಬಾಳುವರಾಗಿ
ಪ್ರಭಾಕರ ಶರ್ಮ ತಂದಿಹರಾಗಿ
ಎಲ್ಲರ ಆರೋಗ್ಯವರ್ಧನರಾಗಿ
ಮಾನವರಾಗಿ ಮಾನವಂತರಾಗಿ
ಪತ್ಯವೆನಿಸಿದರೆ ತಲೆಬಾಗುವರಾಗಿ I 10 I
ನಿಮ್ಮ ಬಾಗಿಲಿಗೆ ಬಂದಿಹರಾಗಿ
ಪುರಂದರದಾಸರೆ ಬೆಳೆಸಿಹರಾಗಿ
ನಿಮ್ಮ ಬಾಗಿಲಿಗೆ ಬಂದಿಹರಾಗಿ
ಪುರಂದರದಾಸರೆ ಬೆಳೆಸಿಹರಾಗಿ.
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ