ಹೋಳಿ ಹುಣ್ಣಿಮೆ ನೋಟ

 

ಹೋಳಿ ನೋಟ

ರಚನೆ: ಡಾ. ಪ್ರಭಾಕರ್ ಬೆಳವಾಡಿ

ಹೋಳಿ ಹುಣ್ಣಿಮೆ ಹಬ್ಬ ಬಂದಿದೆ

ಗೋಪಿ ಬಳಗವು ಬಣ್ಣ ತಂದಿದೆ

ಪಿಚಕಾರಿ ಒತ್ತುತಾ ರಂಗನು ಸಿಡಿಸಿ ನಲಿದಾರೆ

ಕೃಷ್ಣನು ಬಂದ ರಾಧೆಯನು ತಂದ

ಬೃಂದಾವನಕಿಂದು ಕಳೆತಂದ

ಬಣ್ಣಗಳ ಹಚ್ಚುತ ಹಾಡನು ಹಾಡುತ ಕುಣಿಬಾರೆ

 

ಭುಜಗಳನೇರಿ ಗೋಪುರ ಮಾಡಿ

ಗಡಿಗೆಯ ಧೀರ ಒಡೆದದ್ದ ನೋಡಿ

ಕುಣಿ ಕುಣಿದು ಕೇಕೆಯ ಹಾಕುತ್ತಾ ಕೂಗೀರೆ

ಮಥುರಾ ನಗರದ ಆಟವ ನೋಡಲ್ಲಿ

ವನಿತೆಯರೆಲ್ಲರು ಕೋಲನು ಹಿಡಿದಲ್ಲಿ

ನಗುನಗುತ ಜಿಗಿಜಿಗಿದು ಪುರುಷರ ಬೆನ್ನೇ ಹತ್ಯಾರೆ

 

ಕಾಮನ ಶಿವನು ಸುಟ್ಟಂತೆ

ರಾಮನ ಬಾಣಕೆ ರಾವಣ ಸತ್ತಂತೆ

ಲಬೋ ಲಬೋ ಎನ್ನುತ ಜನ ಕುಣಿದ್ಯಾರೆ

ಹಸಿರು ಬಣ್ಣವ ತನ್ನಿ ಕೆಂಪು ಬಣ್ಣವ ತನ್ನಿ

ರಾಧೆ ಶ್ಯಾಮನಿಗೆ ನೀಲಿಯ ತನ್ನಿ

ಕಾದ ಹಂಡೆಯ ಬಿಸಿ ನೀರಲಿ ಸ್ನಾನವ ಮಾಡೋಣ ಬನ್ನೀರೆ