ಸೀತಾ ಸ್ವಯಂವರ

 

ಸೀತಾ ಸ್ವಯಂವರ

ಕರ್ತೃ: ಡಾ. ಪ್ರಭಾಕರ್ ಬೆಳವಾಡಿ

ಶಿವ ಧನುಸ್ಸನು ಎತ್ತಿದ ರಾಮ

ಅಲ್ಲವೇ ಅವನು ಕೋದಂಡರಾಮ

ಶಿರವನು ಬಾಗಿಸಿ, ಧನುಸ್ಸಿಗೆ ನಮಿಸಿ

ಹಾರವೆಂದೇ ತಿಳಿಯುತ ಎತ್ತಿದ ರಾಮ

ಧನುಸ್ಸನು ಬಾಗಿಸಿ ಹುರಿಯನು ಕಟ್ಟಲು

'ಝಣ್' ಎಂದು ಮುರಿಯಿತೇ ಆರಾಮ

ಸೀತೆಯ ಕೊರಳಿಗೆ ಹಾರವ ಹಾಕುತ

ಜನಕನ ತನುಜೆಯ ವರಿಸಿದ ರಾಮ

ಅಗಣಿತ ಗುಣಗಳ ಜಯಘನಶ್ಯಾಮ

ವಿಶ್ವಾಮಿತ್ರನ ಬಹುಪ್ರಿಯ ರಾಮ

ಕೌಶಲ್ಯಾ ಸುತ ಗಣಪ್ರಿಯ ರಾಮ

ಸೀತಾ ಸ್ವಯಂವರ ಜಯಿಸಿದ ರಾಮ

ಜಯ ಜಯ ರಾಮ, ಜಯ ಶ್ರೀರಾಮ

ಪ್ರಭಾಕರ ವಂದಿಪ ಕೋದಂಡರಾಮ

ಸೀತಾವಲ್ಲಭ ಚಂದನ ರಾಮ

ಶ್ರೀಗಂಧ ಲೇಪಿತ ರಾಜಾರಾಮ