ಕರುಣಿಸೋ ರಂಗ ಕರುಣಿಸೋ
ಕರುಣಿಸೋ ರಂಗ ಕರುಣಿಸೋ II ಪಲ್ಲವಿ II
ಆಡಿಸೋ ರಂಗ ಕರುಣಿಸೋ
ಕಾಡಿಸಲೇನು ಪೀಡಿಸಲೇನು ಬಂದೆನ್ನ
ಕರುಣಿಸೋ II ಅನುಪಲ್ಲವಿ II
ಪರಿ ಪರಿ ಪರೀಕ್ಷೆಯ ಮಾಡಿದರೇನು
ಉರಿಯುವ ಬೆಂಕಿಗೆ ದೂಡಿದರೇನು
ಗುರಿಯನೇ ಇಟ್ಟು ಬಾಣವ ಹೂಡಿದರೇನು
ಹರಿ ನಿನ್ನ ಬಳಿಗೇ ಬರುವೆನೋ ನಾನು II ೧ II
ಆಡಿಸೋ ರಂಗ ಕರುಣಿಸೋ
ಕಾಡಿಸಿ ಪೀಡಿಸಿ ಕರುಣಿಸೋ
ಸುಳಿಯ ಸೆಳೆತಕೆ ನೀ ಒತ್ತಿದರೇನು
ಉಳಿಯನೇ ಹಿಡಿದು ಕೆತ್ತಿದರೇನು
ಕುಳಿತು ಧ್ಯಾನವಾ ಮಾಡುವೆ ನಾನು
ಒಳಿತನೇ ರಂಗ ಮಾಡುವೆ ನೀನು II ೨ II
ಆಡಿಸೋ ರಂಗ ಕರುಣಿಸೋ
ಕಾಡಿಸಿ ಪೀಡಿಸಿ ಕರುಣಿಸೋ
ಕೋರಿ ನಿಂದಿಹೆನಿಂದು, ತೂರಿ ಚಕ್ರವನಿಂದು
ಹಾರಿಸೋ ರಂಗ ಮನದ ಮಲಿನವನಿಂದು
ತೋರಿಸೋ ಬಂದು ನೀ ಸನ್ಮಾರ್ಗವನಿಂದು
ಸ್ಮರಿಸುತ ಬಂದಿಹೆ ಗಂಗೆಯಲಿ ಮಿಂದು II ೩ II
ಕಾಡಿಸಲೇನು ಪೀಡಿಸಲೇನು ಬಂದೆನ್ನ
ಕರುಣಿಸೋ
ಭಕುತ ನಿನ್ನೀ ಪ್ರಭಾಕರ ಶರ್ಮನ ಪಾಲಿಸೋ
ಕರುಣಿಸೋ ರಂಗ ಕರುಣಿಸೋ
ರಚನೆ : ಡಾ. ಪ್ರಭಾಕರ್ ಬೆಳವಾಡಿ
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ