ಶಿವ ಶಿವ ಎಂದರೆ..
ರಚನೆ: ಡಾ. ಪ್ರಭಾಕರ್ ಬೆಳವಾಡಿ
II ಶಿವ ಶಿವ ಎಂದರೆ ಜಗವೆಲ್ಲಾ
ಜಗಮಗ ನೋಡು ಜನರೆಲ್ಲಾ
ಶಿವನೇ ಕಾಯುವ ನಮಗೆಲ್ಲಾ II
ನಿರತ ಧ್ಯಾನವ ಮಾಡುತಿರು
ನಮ್ಮವರೆಲ್ಲರೂ ಅನ್ನುತಿರು
ಅನ್ಯರು ಅವರು ಅನ್ನದಿರು
ನಿರತ ಸಾಧನೆ ಮಾಡುತಿರು
ಸಾಧನೆಗೈದರೂ ಮೆರೆಯದಿರು
ಸಹಪಾಠಿಗಳನೂ ಸಲಹುತಿರು
II ಶಿವ ಶಿವ ಎಂದರೆ ಜಗವೆಲ್ಲಾ
ಜಗಮಗ ನೋಡು ಜನರೆಲ್ಲಾ
ಶಿವನೇ ಕಾಯುವ ನಮಗೆಲ್ಲಾ II
ಲೋಭಿಯಾಗಿ ಇರಲೂಬೇಡ
ರೋಗಿಯಾಗಿ ಬಳಲಲೂ ಬೇಡ
ಕಲಿಯುತ ಕಲೆಯುತ ಇದ್ದುಬಿಡು
ಕಲಿಸುತ ನಲಿಯುತ ಗೆದ್ದುಬಿಡು
ಶಿವನ ಸೇವೆಯ ಮಾಡುತಿರು
ಕೈಲಾಸಕೆ ದಾರಿಯು ಅನ್ನುತಿರು
II ಶಿವ ಶಿವ ಎಂದರೆ ಜಗವೆಲ್ಲಾ
ಜಗಮಗ ನೋಡು ಜನರೆಲ್ಲಾ
ಶಿವನೇ ಕಾಯುವ ನಮಗೆಲ್ಲಾ II
ಅನಾಚಾರದಿ ದೂರವಿರು
ಅಪಕಾರವ ನೀ ಮಾಡದಿರು
ಅನ್ಯರ ನೀನು ದೂರದಿರು
ಅಸಹ್ಯ ಮಾತನು ಸಾರದಿರು
ಶಿವನ ಭಜನೆ ಮಾಡುತಿರು
ಶಿವನೇ ಜಗವು ಎನ್ನುತಿರು
II ಶಿವ ಶಿವ ಎಂದರೆ ಜಗವೆಲ್ಲಾ
ಜಗಮಗ ನೋಡು ಜನರೆಲ್ಲಾ
ಶಿವನೇ ಕಾಯುವ ನಮಗೆಲ್ಲಾ II
ಮೃತ್ಯುಂಜಯನೇ ಶಿವನು
ಸರ್ಪಭೂಷಣ ಶಿವನು
ಗಂಗೆಯ ಹೊತ್ತಿಹ ಶಿವನು
ತ್ರಿಶೂಲಧಾರಿ ಶಿವನು
ಮಹಾದೇವನೇ ಶಿವನು
ಶಂಭೋ ಶಂಕರ ಶಿವನು
II ಶಿವ ಶಿವ ಎಂದರೆ ಜಗವೆಲ್ಲಾ
ಜಗಮಗ ನೋಡು ಜನರೆಲ್ಲಾ
ಶಿವನೇ ಕಾಯುವ ನಮಗೆಲ್ಲಾ II
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ